नारायण  स्तोत्रम्

नारायण नारायण जय गोविंद हरे ॥
नारायण नारायण जय गोपाल हरे ॥
करुणापारावार वरुणालयगंभीर नारायण ॥ १ ॥
घननीरदसंकाश कृतकलिकल्मषनाशन नारायण ॥ २ ॥
यमुनातीरविहार धृतकौस्तुभमणिहार नारायण ॥ ३ ॥
पीतांबरपरिधान सुरकल्याणनिधान नारायण ॥ ४ ॥
मंजुलगुंजाभूष मायामानुषवेष नारायण ॥ ५ ॥
राधाधरमधुरसिक रजनीकरकुलतिलक नारायण ॥ ६ ॥
मुरलीगानविनोद वेदस्तुतभूपाद नारायण ॥ ७ ॥
बर्हिनिबर्हापीड नटनाटकफणिक्रीड नारायण ॥ ८ ॥
वारिजभूषाभरण राजीवरुक्मिणीरमण नारायण ॥ ९ ॥
जलरुहदलनिभनेत्र जगदारंभकसूत्र नारायण ॥ १० ॥
पातकरजनीसंहार करुणालय मामुद्धर नारायण ॥ ११ ॥
अघ बकहयकंसारे केशव कृष्ण मुरारे नारायण ॥ १२ ॥
हाटकनिभपीतांबर अभयं कुरु मे मावर नारायण ॥ १३ ॥
दशरथराजकुमार दानवमदसंहार नारायण ॥ १४ ॥
गोवर्धनगिरि रमण गोपीमानसहरण नारायण ॥ १५ ॥
सरयुतीरविहार सज्जन‌ऋषिमंदार नारायण ॥ १६ ॥
विश्वामित्रमखत्र विविधवरानुचरित्र नारायण ॥ १७ ॥
ध्वजवज्रांकुशपाद धरणीसुतसहमोद नारायण ॥ १८ ॥
जनकसुताप्रतिपाल जय जय संस्मृतिलील नारायण ॥ १९ ॥
दशरथवाग्धृतिभार दंडक वनसंचार नारायण ॥ २० ॥
मुष्टिकचाणूरसंहार मुनिमानसविहार नारायण ॥ २१ ॥
वालिविनिग्रहशौर्य वरसुग्रीवहितार्य नारायण ॥ २२ ॥
मां मुरलीकर धीवर पालय पालय श्रीधर नारायण ॥ २३ ॥
जलनिधि बंधन धीर रावणकंठविदार नारायण ॥ २४ ॥
ताटकमर्दन राम नटगुणविविध सुराम नारायण ॥ २५ ॥
गौतमपत्नीपूजन करुणाघनावलोकन नारायण ॥ २६ ॥
संभ्रमसीताहार साकेतपुरविहार नारायण ॥ २७ ॥
अचलोद्धृतचंचत्कर भक्तानुग्रहतत्पर नारायण ॥ २८ ॥
नैगमगानविनोद रक्षित सुप्रह्लाद नारायण ॥ २९ ॥
भारत यतवरशंकर नामामृतमखिलांतर नारायण ॥ ३० ॥